ہم کنالوں پر بات کرنے کیلئے تیار نہیں، آپ نے ڈھائی ماہ میں 30 MAFپانی سمندر میں بہا دیا: DG ISPR

اسلام آباد: ڈی جی آئی ایس پی آر نے پانی سے متعلق بات کرتے ہوئے کہا کہ ہم پانی کے ذخائر اور کنالوں پر بات کرنے کے لیے تیار نہیں ہیں، آپ نے دو ڈھائی ماہ میں 25 سے 30 ملین ایکڑ فٹ پانی سمندر میں بہا دیا۔

ڈی جی آئی ایس پی آر نے پریس کانفرنس میں پانی کے اشو پر بھی گفتگو کی۔ کہا کہ آپ نے دو ڈھائی ماہ میں کم سے کم 25 سے 30 ملین ایکڑ فٹ پانی سمندر میں بہا دیا۔ ایک ایم اے ایف پانی ایک ارب ڈالرز کی زرعی پیداوار کے برابر ہے، اس لحاظ سے آپ نے 25 سے 30 ارب ڈالرز کا پانی ضایع کردیا۔

انہوں نے کہا ہمارے پاس 13 سے 14 ایم اے ایف پانی ذخیرہ کرنے کی گنجائش ہے، اگلے سال بھی مزید بارشیں ہونی ہیں، ہم ان کے ذخیرہ اور کنالوں پر بات کرنے کے لیے تیار نہیں ہیں، قومی میڈیا کو اس پر بات کرنی چاہیے۔