ٹی 20ورلڈ کپ سے پہلے کونسی ٹیم کتنے میچز کھیلے گی؟ شیدول جاری

ٹی ٹوئنٹی ورلڈکپ 2026 کی تیاریاں آخری مراحل میں پہنچ گئی ہیں، کرکٹ کا عالمی کپ 7 فروری سے 8 مارچ تک بھارت اور سری لنکا میں کھیلا جائے گا، اور  اب کسی فل ممبر ٹیم کی مزید سیریز کی کوئی پلاننگ نہیں ہے۔

پاکستان ٹیم ٹی ٹوئنٹی ورلڈکپ سے پہلے 6 میچز کھیلے گی، جنوری میں سری لنکا میں 3 اور ہوم گراؤنڈ پر آسٹریلیا کے خلاف 3 میچز شامل ہیں، جبکہ افغانستان، بنگلا دیش، آئرلینڈ اور زمبابوے کسی بھی میچ کے لیے شیڈول میں شامل نہیں ہیں۔

شیڈول میں بتایا گیا ہے کہ آسٹریلیا اور انگلینڈ بھی پاکستان اور سری لنکا کے خلاف تین تین میچز کھیلیں گے۔

شیڈول کے مطابق  بھارت کی ٹیم ہوم گراؤنڈ پر 5 میچز کھیل رہی ہے اور جنوری میں نیوزی لینڈ کے ساتھ 5 میچز کی ہوم سیریز میں مدمقابل ہوگی، جبکہ جنوبی افریقہ بھارت میں تین میچز کے لیے ویسٹ انڈیز کی میزبانی کرے گا۔

شیڈول میں کہا گیا ہے کہ دسمبر اور جنوری میں بھارتی کرکٹ ٹیم سب سے زیادہ 10 ٹی ٹوئنٹی میچز کھیلے گی، جنوبی افریقہ 8، پاکستان 6، سری لنکا 6، نیوزی لینڈ 5 اور آسٹریلیا، انگلینڈ اور ویسٹ انڈیز کو تین تین میچز کھیلنے کا موقع ملے گا۔