افغان شہریوں کی ایران میں غیرقانونی طور پر داخلے کی کوشش، 15افعانی مہاجرین ہلاک

ایران میں غیر قانونی طور پر داخل ہونے کی کوشش کے دوران متعدد افغان شہری ایرانی سرحد پر جان سے ہاتھ دھو بیٹھے۔

جریدہ ایران انٹرنیشنل کے مطابق ان واقعات کے بعد 15 افغان مہاجرین کی لاشیں کوہسان اور ادرسکن کے اضلاع منتقل کی گئیں۔

ایرانی میڈیا رپورٹس میں یہ بھی بتایا گیا ہے کہ ایران۔افغانستان سرحد پر مجموعی طور پر 40 ہلاکتوں کی اطلاعات ہیں، جبکہ کئی افراد کے لاپتہ ہونے کا خدشہ بھی ظاہر کیا جا رہا ہے۔

ایرانی ذرائع کے مطابق یہ افراد اسلام قلعہ کے راستے ایران میں داخل ہونے کی کوشش کر رہے تھے۔

ایک سینئر ایرانی سرحدی کمانڈر کا کہنا ہے کہ گزشتہ سال کے مقابلے میں رواں سال اکتوبر تک افغان شہریوں کی جانب سے غیر قانونی داخلے کی کوششوں میں نمایاں اضافہ ہوا ہے، جو تقریباً دگنا ریکارڈ کیا گیا۔