اٹھارویں ترمیم اور این ایف سی ایوارڈ سے کھیلنے والے آگ سے کھیل رہے ہیں،بلاول بھٹو

اس اقدام سے ہم نے علحدگی کی سیاست ختم کردی تھی۔ بلال بھٹو نے خبردار کردیا

کراچی: چیئرمین پیپلز پارٹی نے خبردار کیا ہے کہ اٹھارویں ترمیم اور این ایف سی ایوارڈ سے کھیلنے والے آگ سے کھیل رہے ہیں۔ ہم نے اس اقدام سے پورے ملک میں علیحدگی کی سیاست ختم کردی تھی، کیونکہ دشمن ملک علحدگی کی سیاست کو استعمال کرتا ہے۔

پیپلز پارٹی کے یوم تاسیس کے موقع پر وڈیو لنک کے ذریعے خطاب میں بلاول بھٹو زرداری نے کہا کہ پیپلز پارٹی ایسے کسی بھی فیصلے میں ساتھ نہیں دے گی، جس سے وفاق کمزور ہو۔ ہمارے آپس میں سیاسی اختلافات ہو سکتے ہیں، لیکن جب ملکی سلامتی کی بات آئے تو سب کو متحدہ ہوکر مقابلا کرنا ہوگا۔

صوبوں سے متعلق بات کرتے ہوئے چیئرمین پیپلز پارٹی نے کہا کہ ملک کے تمام صوبے بھائیوں جیسے ہیں، ہم مودی سرکار کا مقابلا کرنے کے طاقت رکھتے ہیں۔ دشمن ملک سازشی طریقہ اختیار کرتا ہے تاکہ پاکستان کو غیرمستحکم کیا جا سکے۔

آئینی ترامیم پر بات کرتے ہوئے بلاول بھٹو زردری کا کہنا تھا کہ آئین سازی پارلیمان کا اختیار ہے اور پارلیمان سپریم ہے۔ کوئی عدالت، کوئی جج یا کوئی دوسرا ادارا پارلیمان کے فیصلوں میں مداخلت نہیں کر سکتا، ہم ایسی کسی مداخلت کی اجازت بھی نہیں دیں گے۔ یہ عوام فیصلہ کریں گے کہ ہمارے فیصلے غلط ہیں یا صحیح، کسی بھی جج کو یہ اختیار نہیں۔