ٹی ٹوئنٹی ورلڈکپ 2026: آسٹریلیا کے اسکواڈ کا اعلان

کرکٹ آسٹریلیا نے فروری 2026 میں شیڈول آئی سی سی ٹی ٹوئنٹی ورلڈ کپ کے لیے اپنے ابتدائی اسکواڈ کا اعلان کر دیا، چند اہم اور تجربہ کار کھلاڑیوں کی واپسی ہوئی ہے۔

اعلان کردہ اسکواڈ میں پیٹ کمنز، کیمرون گرین اور کوپر کنولی کو دوبارہ شامل کیا گیا ہے، جو حال ہی میں بھارت کے خلاف سیریز کے لیے منتخب نہیں کیے گئے تھے۔

چیف سلیکٹر جارج بیلی کے مطابق پیٹ کمنز، جوش ہیزل ووڈ اور ٹم ڈیوڈ تیزی سے ریکوری کی جانب بڑھ رہے ہیں اور امید ہے کہ تینوں کھلاڑی ورلڈ کپ کے لیے مکمل طور پر دستیاب ہوں گے۔

جارج بیلی نے واضح کیا کہ یہ اسکواڈ حتمی نہیں بلکہ ابتدائی ہے اور سپورٹ پیریڈ کے دوران ٹیم کی ضروریات کو مدنظر رکھتے ہوئے اس میں تبدیلیاں کی جا سکتی ہیں۔

آسٹریلیا کے ابتدائی ٹی ٹوئنٹی اسکواڈ میں کپتان مچل مارش کے ساتھ زیوئیر بارٹلیٹ، کوپر کنولی، نیتھن ایلس، پیٹ کمنز، ٹم ڈیوڈ، کیمرون گرین، جوش ہیزل ووڈ، ٹریوس ہیڈ، جوش انگلس، میتھیو کوہنیمن، گلین میکسویل، میتھیو شارٹ، مارکوس اسٹوئنس اور ایڈم زمپا شامل ہیں۔

چیف سلیکٹر کا مزید کہنا تھا کہ پاکستان کے خلاف تین ٹی ٹوئنٹی میچز کے لیے اسکواڈ کا اعلان بعد میں کیا جائے گا۔

واضح رہے کہ آئی سی سی ٹی ٹوئنٹی ورلڈ کپ 7 فروری 2026 سے بھارت اور سری لنکا میں کھیلا جائے گا۔