کرم میں چیک پوسٹ پر حملہ، 2 اہلکار شہید، 4 دہشتگرد ہلاک

آر پی او کوہاٹ عباس مجید مروت کے مطابق وسطی کرم کے علاقے چنارک میں دہشت گردوں نے پولیس پوسٹ پرخود کار ہتھیاروں سے حملہ کیا جس پر پولیس فورس کے جوانوں نے بہادری سے دہشت گردوں کا مقابلہ کیا۔اس دوران فائرنگ کے تبادلے میں پولیس فورس کے دو اہلکار واحد خان اور فضل رحمان شہید ہوگئے جبکہ جوابی کارروائی میں فتنہ الخوارج کے چار دہشت گرد ہلاک 6 زخمی ہوگئے۔