مفت میں مونگ پھلی کھانے سے منع کرنے پر گاہک نے ریڑھی بان کو موت کے گھاٹ اتار دیا

فیصل آباد میں پیسے دیے بغیر مونگ پھلی اٹھا کر کھانے سے منع کرنے پر گاہک نے مونگ پھلی فروش کو قتل کر دیا۔

معمولی بات پر قتل کا یہ افسوسناک واقعہ فیصل آباد کی ڈی ٹائپ کالونی میں پیش آیا۔ پولیس کے مطابق ملزم مدثر نے پیسے دیے بغیر ریڑھی سے مونگ پھلی اٹھا کر کھائی، منع کرنے پر فائرنگ کردی۔

پولیس کا کہنا ہے کہ فائرنگ کے نتیجے میں ریڑھی والا جاں بحق اور اس کا بھائی زخمی ہوگیا۔

 واقعے کےخلاف ورثا نے احتجاج  کیا جبکہ  پولیس نے مقدمہ درج کرکے ملزم کی تلاش شروع کردی  ہے۔