سونے کی قیمت میں سینکڑوں روپے کی کمی

کراچی: فی تولہ سونے کی قیمت میں ایک روز کے اضافے کے بعد نمایاں کمی ریکارڈ کی گئی۔

آل پاکستان جیمز اینڈ جیولرز ایسوسی ایشن کے مطابق آج فی تولہ سونا 2300 روپے سستا ہو کر 4 لاکھ 42 ہزار 162 روپے پر آ گیا۔

10 گرام سونے کی قیمت بھی 1972 روپے کم ہو کر 3 لاکھ 79 ہزار 82 روپے ہو گئی۔

عالمی منڈی میں سونے کی قیمت 23 ڈالر گھٹ کر 4198 ڈالر فی اونس ریکارڈ کی گئی۔

یاد رہے کہ گزشتہ روز فی تولہ سونے کی قیمت میں 3000 روپے اور 10 گرام میں 2572 روپے کا اضافہ ہوا تھا۔