نیتھن لیون نے وکٹوں کی دوڑ میں میگرا کو پیچھے چھوڑ دیا، کمنٹری باکس میں بیٹھے میگرا کا ردعمل وائرل

سڈنی: ایشیز سیریز کے تیسرے ٹیسٹ کے دوسرے روز آسٹریلوی اسپنر نیتھن لیون نے وکٹوں کی ریس میں آسٹریلیا کے ہی سابق فاسٹ بولر گلین میگرا  کو پیچھے چھوڑ دیا اور اس لمحے کا میکگرا کا ردعمل سوشل میڈیا پر تیزی سے وائرل ہو گیا۔

جیسے ہی نیتھن لیون کی وکٹوں کی تعداد 564 تک پہنچی جو گلین میگرا  کی 563 وکٹوں سے آگے ہے، کمنٹری باکس میں بیٹھے میگرا  نے کرسی اٹھا کر حیرت اور مزاح کے ساتھ ردعمل ظاہر کیا اور دیکھتے ہی دیکھتے یہ لمحہ کرکٹ کے شائقین کے لیے انتہائی دلچسپ ثابت ہوا۔

 نیتھن لیون اب آسٹریلوی بولرز کی فہرست میں دوسرے نمبر پر آ گئے ہیں، شین وارن 708 وکٹوں کے ساتھ سب سے آگے ہیں، میگرا اب تیسرے نمبر پر ہیں، جبکہ عالمی سطح پر زیادہ وکٹیں لینے والے بولرز میں نیتھن لیون چھٹے نمبر پر ہیں۔

دنیا کے ٹاپ بولرز میں سری لنکا کے متھیا مرلی دھرن 800 وکٹوں کے ساتھ پہلی پوزیشن پر براجمان ہیں، انگلینڈ کے جیمز اینڈرسن 704 وکٹوں کے ساتھ دوسرے، اسٹیورٹ براڈ 604 وکٹوں کے ساتھ تیسرے اور انیل کمبلے 619 وکٹوں کے ساتھ چوتھے نمبر پر ہیں۔