گھانا سے نرسوں کی دھڑا دھڑ بیرونِ ملک ہجرت کو ’ٹائم بم‘ کیوں قرار دیا جا رہے؟

گھانا آفریکا کا وہ ملک ہے جہاں پر اس وقت صحت کے شعبے میں ایک سنگین بحران پیدا ہوگیا ہے کیونکہ وہاں کی  ہزاروں نرسیں بہتر روزگار اور سہولیات کی تلاش میں مغربی ممالک کا رخ کر رہی ہیں۔

ماہرین نے نرسوں کی بیرونی ممالک ہجرت کو "ٹائم بم" قرار دیتے ہوئے انتباہ کیا ہے کہ اگر فوری اقدامات نہ کیے گئے تو گھانا میں صحت کا نظام بری طرح متاثر ہو سکتا ہے۔

 میڈیا رپورٹس کے مطابق گزشتہ چند برسوں میں ہزاروں گھانا سے تعلق رکھنے والی نرسیں برطانیہ، امریکا، کینیڈا، آئرلینڈ اور آسٹریلیا ہجرت کرچکی ہیں۔

رپورٹس کے مطابق گزشتہ ایک برس  کے دوران چھ ہزار سے زائد نرسوں کے ملک چھوڑنے کی مصدقہ اطلاعات ہیں، جس سے سرکاری اسپتالوں اور صحت مراکز میں عملے کی شدید کمی پیدا ہو گئی ہے۔

گھانا کی وزارتِ صحت نے موجودہ صورتحال پر کہا ہے کہ کم تنخواہیں،  خراب حالات، سہولیات کی کمی اور بہتر مستقبل کی امید نرسوں کی ہجرت کی بڑی وجہ ہیں۔

وزارت صحت کا مزید کہنا ہے کہ ملک کی کئی اسپتالوں میں مریضوں کے مقابلے میں نرسوں کی تعداد خطرناک حد تک کم ہو چکی ہے، جس سے علاج معالجے کا نظام متاثر ہو رہا ہے، خصوصاً دیہی علاقوں میں صورتحال زیادہ تشویشناک ہے۔

گھانا نرسز اینڈ مڈوائفز ایسوسی ایشن کا کہنا ہے کہ ہر ماہ سینکڑوں نرسیں ملک چھوڑ رہی ہیں، مطالبہ ہے کہ نرسوں کی ہجرت کو منظم کرنے اور ملکی صحت کے نظام کو بچانے کے لیے جامع پالیسی تشکیل دی جائے۔