بدترین شکست کے باوجود مودی کا جنگی جنون برقرار، پاکستانی سرحد کے قریب بڑے پیمانے پر فضائی مشقوں کا اعلان

بھارت نے پاکستانی سرحد کے قریب گجرات کے علاقے کچھ میں بڑے پیمانے پر فضائی مشقوں کا اعلان کردیا۔

بھارتی فضائیہ کے مطابق یہ مشقیں 20 اور 21 جنوری کو ہوں گی، جن کے دوران بین الاقوامی پروازوں کے لیے فضائی حدود بند کر دی جائے گی اور اسے صرف انڈین ائیر فورس کی سرگرمیوں کے لیے مختص کیا گیا ہے۔ اس مقصد کے لیے نوٹس ٹو ایئر مین (نوٹم) بھی جاری کر دیا گیا ہے۔

بھارتی میڈیا رپورٹس کے مطابق ان مشقوں میں رافیل، سخوئی 30 ایم کے آئی، جیگوار اور دیگر جدید لڑاکا طیارے حصہ لیں گے۔ ان مشقوں میں تیز رفتار پروازیں، فضائی جنگی تربیت اور ممکنہ طور پر لائیو فائرنگ یا بمباری بھی شامل ہوگی۔

مزید بتایا گیا ہے کہ یہ محدود فضائی زون پاکستان کے ساتھ بھارت کی جنوبی سرحد کے حساس علاقے پر محیط ہوگا، جس میں بحیرہ عرب، سرکریک، راجکوٹ اور احمد آباد کے قریب کے علاقے شامل ہیں۔