افغانیوں کو خیبرپختونخوا میں تحفظ دیا جارہا ہے: محسن نقوی

وفاقی وزیرداخلہ محسن نقوی نے لاہور میں پریس کانفرنس میں کہا کہ افغان باشندوں کی واپسی کا آپریشن تینوں صوبوں میں کامیابی سے جاری ہے مگر خیبرپختونخوا میں ان کو تحفظ دیا جارہا ہے۔نیشنل سیکیورٹی پر کوئی صوبہ اپنی پالیسی لے چلے یہ نہیں ہوسکتا،انہوں نے کہا کہ کے پی حکومت کو بار بار پیغام دیا ہےکہ پہلے ملک کا سوچے پھر سیاست کریں ان کو وفاق کی پالیسی پرعملدرآمد کراناہوگا۔محسن نقویٰ نے کہا کہ وفاق نے تمام افغان کیمپ ڈی نوٹیفائی کردیے ہیں،مگرکے پی میں پھر بھی ان کو بند نہیں کیا گیا۔حالیہ تمام حملوں میں ملوث دہشتگرد افغان نکلے اس لئے اب مزید حملے برداشت نہیں کرسکتے۔ محسن نقوی نے کہا کہ 11 لاکھ افغانی واپس بھیجے، تمام غیرقانونی افغان کوکہتا ہوں وہ عزت سے واپس چلےجائیں، جس کوواپس بھیجا گیا اگروہ واپس آیا توسزا دیں گے۔ آپ ہمارے مہمان تھےجس کواب بھیجا گیا اگروہ واپس آیا تو سزا دیں گے۔