بلوچستان کی بیرون ملک موجود کالعدم تنظیموں کے خلاف گھیرا تنگ کرنے کا فیصلہ

وزیراعلیٰ بلوچستان سرفراز بگٹی کی زیر صدارت اعلیٰ سطح اجلاس میں دہشتگرد نیٹ ورک کے خاتمے کے لیے سخت اور غیرمعمولی اقدامات کی منظوری دی گئی۔

اجلاس میں بیرون ملک دہشتگرد قیادت کے مقامی سہولت کاروں سے رابطوں، کال ریکارڈنگز اور دیگر شواہد پیش کیے گئے۔

فیصلہ کیا گیا کہ کالعدم تنظیموں کے سربراہان، کمانڈرز اور دہشتگردوں کے خلاف گھیرا مزید تنگ کیا جائے گا۔

وفاقی وزارت داخلہ و خارجہ کی مدد سے انٹرپول کے ذریعے ریڈ نوٹسز کی کارروائی تیز کرنے کی ہدایت بھی جاری کی گئی۔

اعلامیے کے مطابق کارروائی دہشتگردی میں ملوث مقامی سہولت کاروں اور کالعدم تنظیموں کی قیادت تک کی جائے گی، جو پروونشل ایکشن پلان کی گائیڈ لائنز کے تحت ہوگی۔