پاکستانیوں کیلئے خوشخبری، کراچی میں پہلی بار ڈرائیور لیس کار کا کامیاب تجربہ

کراچی: دنیا اس وقت جدید ٹیکنالوجی بالخصوص مصنوعی ذہانت (AI)کا بھرپور استعمال کر رہی ہے،  آپ نے سوشل میڈیا پر ویڈیوز میں امریکا اور دیگر ترقی یافتہ ممالک میں ڈرائیور لیس ٹیکسیز چلتی دیکھی ہوں گی، جس وہاں کے شہری خوف فائدہ اٹھا رہے ہیں۔ لیکن اب پاکستانیوں کے لیے بھی یہ خواب حقیقت بننے کے قریب ہے۔

جی ہاں کراچی کی این ای ڈی یونیورسٹی آف انجینئرنگ اینڈ ٹیکنالوجی نے آرٹیفیشل انٹیلیجنس کی دنیا میں ایک اہم کامیابی حاصل کرلی ہے۔

 یونیورسٹی کے ایک انجینئرز نے پاکستان کی پہلی ڈرائیور لیس کار کی ٹیسٹ ڈرائیو کامیابی سے مکمل کرلی ہے۔ لوگوں نے بغیر ڈرائیور والی گاڑی جب سڑک پر چلتے دیکھی تو وہ دنگ رہ گئے۔

 چین سے درآمد کردہ الیکٹرک وہیکل میں جدید اے آئی سسٹمز، روبوٹکس، میپنگ، سینسرز اور کمپیوٹر ویژن الگورتھمز شامل کرکے اسے خودکار گاڑی میں تبدیل کیا گیا ہے۔

پروجیکٹ کے سربراہ ڈاکٹر محمد خرم کا کہنا ہے کہ  انہوں نے اور ان کی ٹیم نے پورے ایک سال محنت کی، اب بھی  گاڑی کے مختلف ٹرائلز جاری ہیں، جبکہ ابتدائی طور پر اسٹیئرنگ کنٹرول کو مکمل کیا گیا اور بہت سے آپشن پر  کام کر رہے ہیں۔