ماہ رمضان میں 5 لاکھ افراد کو سحروافطار کرائیں گے: گورنر سندھ

کراچی میں گورنر سندھ کامران ٹیسوری نے رمضان المبارک کے موقع پر بڑے پیمانے پر فلاحی اقدامات کا اعلان کیا ہے۔

پریس کانفرنس میں گفتگو کرتے ہوئے انہوں نے بتایا کہ رمضان کے دوران 5 لاکھ افراد کے لیے سحر و افطار کا بندوبست کیا جائے گا۔ اس کے ساتھ ساتھ 9 کروڑ روپے سے زائد مالیت کی اشیاء بھی تقسیم کی جائیں گی، جن میں ادویات، لیپ ٹاپس، موٹرسائیکلز، راشن بیگز اور سلائی مشینیں شامل ہیں۔

کامران ٹیسوری کا کہنا تھا کہ تاجروں کو یقین ہے کہ ان کی فراہم کردہ اشیاء مستحقین تک پہنچیں گی اور یہ اقدامات رمضان المبارک میں عوام کو ریلیف دینے کے لیے کیے جا رہے ہیں۔