ایم کیو ایم کا کراچی کو وفاقی علاقہ ڈکلیئر کرنے کا مطالبہ

کراچی میں تقریب سے خطاب میں ایم کیو ایم رہنما فاروق ستار نے کہا کہ کراچی کو وفاق کا علاقہ ڈکلیئر کیا جائے ،اگر آپ کو یہ حل منظور نہیں تو پھر ہم نئے صوبے کا مطالبہ کریں گے،اگر سندھ کوئی کیک نہیں توکراچی بھی کوئی کیک نہیں،انہوں نے کہا کہ اگر کراچی انتظامی بنیادوں ہر تقسیم ہو سکتا ہے تو سندھ بھی ہو سکتا ہے،انہوں نے کہا کہ اگر ہماری تجاویز کو منظور نہ کیا گیا تو پھر سندھ کے 6 ڈویژن کو انتظامی یونٹ ڈکلیئر کیا جائے، خالد مقبول صدیقی کا کہنا تھا کہ کراچی حکمرانوں کی عیاشی کا سامان اور اسلام آباد کی بیوروکریسی چلا رہا ہے،پاکستان کو جن لوگوں نے بنایا تھا وہی اس ملک کو چلا سکتے ہیں،انہوں نے کہا کہ یہ شہر پورے ملک کو پال رہا ہے،اس کو بھی حق ملنا چاہیے۔