پلوامہ حملہ BJPکی سازش تھی: بھارتی سیاستدان نے مودی سرکار کو بے نقاب کردیا

بھارتی سیاست میں ایک بار پھر پلوامہ حملے کے حوالے سے تنازع کھڑا ہو گیا ہے۔ سماج وادی پارٹی کے رہنما سناتن پاندے نے الزام عائد کیا ہے کہ 2019 میں ہونے والا پلوامہ حملہ کوئی غیر ملکی کارروائی نہیں تھا، بلکہ یہ بی جے پی کی سیاسی سازش تھی۔

سناتن پاندے کے مطابق یہ حملہ 2019 کے لوک سبھا انتخابات سے قبل عوام کا دھیان انتخابات میں بی جے پی کے وعدے پورے نہ کرنے کی ناکامی سے ہٹانے کے لیے کیا گیا۔

انہوں نے دعویٰ کیا کہ حملے میں استعمال ہونے والے دھماکہ خیز مواد کے حوالے سے آج تک شفاف معلومات نہیں دی گئیں۔

سناتن پاندے کے بیان کے بعد بھارت میں سیاسی بحث شروع ہو گئی ہے۔ مخالف جماعتوں نے سناتن پاندے کے الزامات پر ردعمل دیا ہے جبکہ بی جے پی نے ان الزامات کو مسترد کر دیا ہے۔

یاد رہے کہ پلوامہ حملے میں بھارت کی سینٹرل ریزرو پولیس فورس کے 40اہلکار ہلاک ہوگئے تھے۔