انڈونیشیا کی ایک عمارت میں خوفناک آگ، 22افراد جھلس کر ہلاک

دارالحکومت جکارتہ میں منگل کی صبح 7منزلہ عمارت میں آگ بھڑگ اٹھی،اس ضمن میں پولیس کا کہنا ہے کہ عمارت کے گراؤنڈ فلور پر ڈرون کی بیٹری پھٹنے سے آگ کے شعلے اٹھے،جس کے بعد آگ تیزی سے اوپر کی منزلوں تک پھیل گئی، آگ لگنے کے محرکات جاننے کے لیے فرانزک لیبارٹری کی تحقیقات جاری ہیں۔

جکارتہ سینٹرل پولیس کے سربراہ سوساتیو پرنومو کونڈرو نے کہا کہ واقعے کی مکمل اور شفاف تحقیقات کے لیے پرعزم ہیں،جبکہ واقعے والی جگہ پر موجود عینی شاہدین کے مطابق آگ دوپہر کے وقت لگی اور جب تک فائر فائٹرز پہنچتے تب تک آگ عمارات میں پوری طرح پھیل چکی تھی۔

پولیس کے مطابق آگ سے جھلس کر ہلاک ہونے والے افراد کی تعداد 22ہے، جن میں 15 خواتین بھی شامل ہیں۔