پولیس کا چھوڑا ہوا دستی بم پھٹ گیا۔۔۔سندھ کے کچے میں ڈاکو نہیں بچے ہلاک !!!

پولیس کا چھوڑا ہوا دستی بم پھٹ گیا، کندھکوٹ کے قریب چار بچے جاں بحق کندھ کوٹ: سندھ کے ضلعہ کندھ کوٹ کے علاقے بخشا پور میں بارودی مواد پھٹنے کے نتیجے میں چار بچے جاں بحق ہوگئے۔ کچے کے گائوں ڈاتو دھوندھل میں موشی چرانے کے دوران چراہے بچوں کو بارودی مواد ہاتھ آیا، بچوں نے مبینا طور پر بارودی مواد سے کھیلتے ہوئے اسے روڈ پر پھینک دیا، جس کے بعد بارودی مواد پھٹ گیا اور چار بچے جان سے ہاتھ دھو بیٹھے، جبکہ دو بچے زخمی ہوگئے۔ علاقہ مکینوں کے مطابق جاں بحق ہونے والے چرواہوں کے عمر دس سے پندرہ سال ہے۔ دھماکے کے بعد پولیس اور رینجرز نے علاقے کو گھیر لیا اور تلاش شروع کردی۔ بچوں کے لاشیں اسپتال منتقل کرنے کے بجائے ڈاکٹرز کی جانب سے گھروں میں پوسٹ مارٹم کیا گیا، جس کے بعد متوفین کی تدفین کی گئی۔ پولیس کا چھوڑا ہوا دستی بم پھٹ گیا علاقہ مکینوں کا کہنا ہے کہ کچھ روز قبل پولیس کی جانب سے علاقے میں آپریشن کے دوران ڈرون استعمال کیا گیا، ڈرون سے چھوڑا گیا دستی بم پیتلی زمین پر جا گرا اور پھٹ نہ سکا، پولیس نے بھی بم کی تلاش چھوڑ دی۔ ۔ آج بچے گائوں کے قریب میوشی چرا رہے تھے تو دستی بم ہاتھ آیا اور بچے اس کو گولا سمجھ کر کھلینے لگے، اسی دوران ایک بچے نے دستی بم کو روڈ پر پھینک دیا تو دھماکا ہوگیا۔ پولیس کا موقف پولیس نے اس پورے واقعے پر مختصر موقف دیتے ہوئے کہا کہ واقعہ بارودی مواد پھٹنے سے ہوا ہے، تحقیقات میں تمام پہلووں کے زیر تفتیش لایا جائے گا۔ پسمنظر واضح رہے کہ کچھ عرصے سے ضلعہ کندھکوٹ کے کچے میں ڈاکوں کے خلاف آپریشن کے دوران پولیس کیجانب سے ڈرون استعمال کیا جا رہا ہے۔ اس سے پہلے بھی مختلف اوقات میں پولیس کیجانب سے ڈرون کے ذریعے فایر کیے گئے بم آبادیوں پر گرنے کے واقعات بھی پیش آئے ہیں۔