جون 2027میں پاکستان آئی ایم ایف سے باہر ہوگا: رانا مشہود کا بڑا دعویٰ

پرائم منسٹر یوتھ پروگرام کے چیئرمین رانا مشہود احمد خان نے دعویٰ کیا کہ پاکستان آئندہ برس جون میں آئی ایم ایف سے باہر ہوگا۔

لندن میں تقریب سے خطاب کرتے ہوئے رانا مشہود احمد خان نے کہا کہ  2018 میں مسلط کردہ حالات کی وجہ سے پاکستان کئی سال پیچھے چلا گیا، مہنگائی اور غربت مسلط کرنے والے وزیراعظم کو قانونی طریقے سے ہٹایا۔

انہوں نے کہا کہ عمران خان کے ذریعے پاکستان کے خلاف سازش ہوئی،  نواز شریف نے 250 سے زائد پیشیاں بھگتیں لیکن نواز شریف کے خلاف بنائے گئے تمام کیسز  جھوٹے ثابت ہوئے جبکہ ایبسلوٹی ناٹ کا نعرہ لگانے والے پھر ان ہی کے قدموں میں بیٹھ گئے۔

رانا مشہود احمد خان نے یہ بھی کہا کہ اگر کیس جھوٹے ہیں تو پی ٹی آئی چیئرمین عدالتوں کا سامنا کرنے سے کیوں ڈرتے ہیں؟ گھڑی کیس اوپن اینڈ شٹ کیس ہے۔ رانا مشہود نے یہ بھی کہا کہ پاکستان کو عمران خان کے دور میں کوئی پوچھتا نہیں تھا جبکہ جنگ میں متعدد ممالک ہمارے ساتھ تھے۔