اسلام آباد میں خود کو امریکی سفارت خانے کا اہلکار بتانے والا افغان فراڈیہ پکڑا گیا

اسلام آباد پولیس نے ایک افغان شہری کو گرفتار کیا ہے جو خود کو امریکی سفارت خانے کا اہلکار ظاہر کر رہا تھا۔

 ذرائع کے مطابق ملزم مختلف فراڈ کیسز میں مطلوب تھا اور گاڑی میں ڈپلومیٹک انکلیو میں داخل ہونے کی کوشش کر رہا تھا۔

ذرائع کے مطابق امریکی سفارت خانے نے افغان شہری کے بارے میں شکایت درج کروائی تھی، جس کے بعد پولیس نے انٹیلی جنس ایجنسیوں کی مدد سے کارروائی کرتے ہوئے اسے گرفتار کر لیا۔

ذرائع کے مطابق ملزم کو تھانہ سیکرٹریٹ منتقل کیا گیا ہے تاکہ اس کے خلاف قانونی کارروائی کی جا سکے۔

پولیس نے عوام سے درخواست کی ہے کہ وہ کسی بھی جعلی ڈپلومیٹک اہلکار کے بارے میں فوری اطلاع دیں تاکہ اس قسم کے فراڈ سے بچا جا سکے۔