سڈنی سانحہ، حملہ آور نوید نے حملے سے قبل اپنی ماں کو فون پر کیا کہا؟ گفتگو سامنے آگئی

آسٹریلیا کے  ساحل بونڈی پر ہونے والے دہشتگرد حملے سے متعلق تحقیقات میں م پیش رفت آنے کا سلسلہ جاری ہے۔

آسٹریلوی اخبار سڈنی مارننگ ہیرالڈ نے دعویٰ کیا ہے کہ حملہ آور نوید کی والدہ ورینا نے بتایا  ہے کہ حملے سے کچھ دیر قبل بیٹے نوید نے انہیں فون کیا تھا۔

انہوں نے بتایا کہ فون کال کے دوران نوید نے بتایا کہ وہ مچھلی کا شکار کرنے آیا ہے اور تیراکی اور اسکوبا ڈائیونگ بھی کر چکا ہے۔

ورینا کا مزید کہنا تھا کہ  نوید نے فون پر گفتگو میں یہ بھی کہا کہ موسم بہت گرم ہے، اس لیے وہ باہر زیادہ دیر نہیں رہے گا اور کھانا کھانے جا رہا ہے، انہیں اس وقت کسی غیر معمولی بات کا احساس نہیں ہوا۔

رپورٹ میں کہا گیا ہے کہ  نوید اکرم پیشے کے لحاظ سے مزدور تھا اور اینٹیں لگانے کا کام کرتا تھا، تاہم اس کی ملازمت دو ماہ قبل اس وقت ختم ہو گئی تھی جب متعلقہ کمپنی دیوالیہ ہو گئی۔ نوید کے والد ساجد اکرم پھلوں کا کاروبار کرتے تھے۔