اولمپکس 2028 : پاکستان کے اولمپک سولیڈیرٹی اسکالرشپ ہولڈرز کون؟

کراچی: پاکستان اولمپک ایسوسی ایشن نے اولمپک گیمز 2028 لاس اینجلس کے لیے اولمپک سولیڈیرٹی اسکالرشپ ہولڈرز کا اعلان کر دیا، ہر ایتھلیٹ کو سالانہ 13,500 امریکی ڈالر کی اسکالرشپ ملے گی۔ ایسوسی ایشن کے مطابق آئی او سی کے اولمپک سولیڈیرٹی پروگرام کے تحت ستمبر 2025 سے اگست 2028 تک سکالرشپ ملے گی۔ اسکالر شپ کھلاڑیوں کی LA28 کی تیاری میں مدد کے لئے دی گئی ہے۔ منتخب کردہ اسکالرشپ ایتھلیٹس میں اولمپکس گولڈ میڈلسٹ ارشد ندیم، نیشنل رائفل ایسوسی ایشن آف پاکستان سے محمد فخر ندیم، سلیمان خان، امام ہارون ، کِشملا طلعت اور رابعہ کبیر شامل ہیں۔ جبکہ پاکستان ٹیبل ٹینس فیڈریشن سے ہائقہ حسن اور پاکستان تائیکوانڈو فیڈریشن فاطمہ زہراء خاور شامل ہیں۔