ٹی 20میں صائم ایوب دنیا کے نمبر ون آل راؤنڈر بن گئے

آئی سی سی ٹی ٹوئنٹی رینکنگ میں پاکستان کرکٹ ٹیم کے نوجوان کھلاڑی صائم ایوب  دنیا کے نمبر ون  آل راؤنڈر بن گئے۔

آئی سی سی کی جانب سے جاری کردہ نئی رینکنگ میں ٹی ٹوئنٹی میں آل راؤنڈر کیٹیگری میں  پاکستان کے صائم ایوب نے زمبابوے کے سکندر رضا سے پہلی پوزیشن چھین لی۔ سکندررضا اس کیٹیگری میں دوسرے نمبر پر چلے گئے۔

 ٹی ٹوئنٹی میں آل راؤنڈر کیٹیگری میں  پاکستان کے محمد نواز 3 درجہ بہتری کے بعد چوتھے اور بھارت کے اکشر پٹیل ایک درجہ بہتری کے بعد 10 ویں نمبرپر آگئے۔

آئی سی سی ون ڈے بیٹرز رینکنگ میں بھارت کے روہت شرما کی پہلی پوزیشن برقرار ہے ۔ویرات کوہلی ایک درجہ بہتری کے بعد چوتھے نمبر پر آگئے۔ پاکستان کے بابراعظم کی چھٹی پوزیشن برقرار ہے جبکہ بھارت کے کے ایل راہول 2 درجہ بہتر ی کے بعد 14 ویں نمبر پر آگئے۔

آئی سی سی ون ڈے بیٹرز رینکنگ میں فخرزمان ایک درجہ بہتری کے بعد 25 ویں نمبر پر براجمان ہیں  جبکہ جنوبی افریقا کے میتھیو بریزکی 17 درجے کی بہتری کے بعد 31 ویں نمبرپر پہنچ گئے۔

آئی سی سی ون ڈے بولرز رینکنگ میں افغانستان کے راشدخان کی پہلی پوزیشن برقرار ہے۔ بھارت کے کلدیپ یادیو ایک درجہ بہتری کے بعد چھٹی پوزیشن پر براجمان ہیں۔

آئی سی سی ون ڈے آل راؤنڈرز رینکنگ میں افغانستان کے عظمت اللہ عمرزئی کی پہلی پوزیشن برقرار ہے جبکہ جنوبی افریقا کے مارکو یانسن 15 درجے کی بہتری کے بعد 20 ویں نمبر پر آگئے۔