اسلام آباد: عدالت کا عمران خان کو آئندہ سماعت پر ذاتی حیثیت یا وڈیو لنک پر پیش کرنے کا حکم

اسلام آباد کی عدالت نے بانی پی ٹی آئی و سابق وزیراعظم عمران خان کو آئندہ سماعت پر ذاتی حیثیت یا وڈیو لنک پر پیش کرنے کا حکم دے دیا

اسلام آباد کی سیشن کورٹ نے 9مئی کے مقدمات میں بانی پاکستان تحریک انصاف (پی ٹی آئی) اور ان کی اہلیہ بشریٰ بی بی کے لیے 27 جنوری تک قبل از گرفتاری ضمانت میں توسیع دے دی ہے اور ان کی گرفتاری سے روک دیا ہے۔

عدالت نے آئندہ سماعت پر بانی پی ٹی آئی ذاتی طور پر یا ویڈیو لنک کے ذریعے پیش ہونے کی بھی ہدایات دیں۔

واضح رہے کہ بانی پی ٹی آئی کے خلاف 9 مئی کے واقعات، اقدامِ قتل، جعلی رسیدوں سمیت متعدد مقدمات درج ہیں، جبکہ بشریٰ بی بی کے خلاف مبینہ جعلی رسیدیں جمع کرانے کے الزام میں مقدمہ چل رہا ہے۔