حکومتِ سندھ نے آکسفورڈ یونیورسٹی کیلئے اسکالرشپ کا اعلان کردیا

کراچی: محکمہ تعلیم سندھ نے  آکسفورڈ یونیورسٹی کیلئے اسکالرشپ کا اعلان کردیا۔

ترجمان محکمہ تعلیم کے مطابق گریجویٹ، ماسٹرز، ایم فل اور پی ایچ ڈی امیدواروں کیلئے اسکالرشپ دستیاب ہوگی۔

ترجمان نے بتایا کہ اسکالرشپ کیلئے سندھ کا ڈومیسائل اور شناختی کارڈ لازمی قرار دیا گیا ہے۔

ترجمان محکمہ تعلیم کے مطابق اس کے علاوہ امیدوار کا آکسفورڈ یونیورسٹی کے میرٹ پر پورا اترنا اورانگریزی زبان میں مہارت ضروری ہے۔ شارٹ لسٹ امیدواروں کو انٹرویو کے بعد فائنل کیا جائے گا، اسکالرشپ بلاول بھٹو اور وزیراعلیٰ سندھ کے حالیہ آکسفورڈ دورے کے تناظر میں دی جارہی ہے۔