عمران خان کو آئسولیشن میں رکھا گیا ہے: سہیل آفریدی کا دعویٰ

وزیراعلیٰ خیبر پختون خوا سہیل آفریدی نے کہا ہے کہ 4 نومبر سے بانی پی ٹی آئی کو آئسولیشن میں رکھا گیا ہے، بین الاقوامی میڈیا سے بانی پی ٹی آئی سے متعلق تشویش ناک خبریں آرہی ہے، اسلام آباد ہائی کورٹ کے سامنے احتجاج کریں گے، پھر اڈیالہ جیل بھی جائیں گے۔ سہیل آفریدی نے کہا کہ پارلیمانی پارٹی کے اجلاس میں فیصلہ ہوا کہ این ایف سی ایوارڈ میں شرکت کریں گے، 2018 سے اب تک صوبے کو این ایف سی میں اپنا حصہ نہیں مل رہا ، وفاق پر این ایف سی ایوارڈ کی مد میں 7 سال کے ایک ہزار 350 ارب روپے واجب الادا ہیں۔ وزیراعلیٰ خیبرپختوانخواہ کا مزید کہنا تھا کہ تصادم کی طرف لے جانے کی کوشش ہو رہی ہے لیکن ہم تصادم کی طرف نہیں جائیں گے، صوبے کے وزیر اعلیٰ کا نام اسٹاپ لسٹ میں ڈالا گیا ہے ، امتیازی سلوک کیا جارہا ہے۔