بھارتی فلم ’دھرندھر‘ پر خلیجی ممالک میں پابندی، پاکستان کے مؤقف کی جیت

خلیجی ممالک نے پاکستان مخالف مواد دکھانے والی بھارتی فلم ’دھرندھر‘ پر پابندی عائد کر دی ہے۔ یہ فیصلہ اس بات کا ثبوت ہے کہ خطے میں نفرت انگیز اور متنازع بیانیے کو برداشت نہیں کیا جائے گا۔

غیر ملکی میڈیا کے مطابق فلم میں پاکستان اور اس کی فورسز کے خلاف منفی مواد شامل تھا، جس پر خلیجی ممالک کے سینسر بورڈز نے سخت ردعمل دیا اور فلم کی نمائش روک دی۔ حکام کا کہنا ہے کہ ایسی فلمیں معاشرتی ہم آہنگی کو نقصان پہنچا سکتی ہیں اور خطے میں امن و استحکام کے لیے خطرہ بن سکتی ہیں۔

یہ اقدام پاکستان کے لیے ایک مثبت خبر ہے کیونکہ اس سے ظاہر ہوتا ہے کہ عالمی سطح پر ایسے بیانیے کو مسترد کیا جا رہا ہے جو کسی ملک یا قوم کے خلاف نفرت کو ہوا دے۔

خلیجی ممالک کے فیصلے نے واضح کر دیا ہے کہ فلمی صنعت کو ذمہ داری کے ساتھ مواد تیار کرنا ہوگا اور کسی بھی ملک کے خلاف پروپیگنڈا برداشت نہیں کیا جائے گا۔

ماہرین کا کہنا ہے کہ یہ پابندی نہ صرف پاکستان کے مؤقف کو تقویت دیتی ہے بلکہ خطے میں ثقافتی تعلقات کو بھی محفوظ بناتی ہے۔ اس فیصلے کو عوامی سطح پر خوش آئند قرار دیا جا رہا ہے اور اسے ایک بڑی کامیابی سمجھا جا رہا ہے کہ پاکستان مخالف مواد کو عالمی سطح پر مسترد کر دیا گیا۔

یہ پہلا موقع نہیں ہے جب بھارتی فلموں کو مشرق وسطیٰ میں اس طرح کی پابندیوں کا سامنا ہوا ہو۔ اس سے پہلے کئی بھارتی فلموں پر پابندی عائد کی جاچکی ہیں۔