"قدرتی مرکب سے خون کے کینسر کے علاج میں نئی امید

امید یونیورسٹی آف سرے (University of Surrey) کے سائنسدانوں نے ایک نئی تحقیق میں انکشاف کیا ہے کہ فورسکولن (Forskolin) نامی قدرتی مرکب، جو پودوں سے حاصل کیا جاتا ہے، خون کے کینسر کی ایک نہایت خطرناک قسم KMT2A-rearranged Acute Myeloid Leukemia (KMT2A-r AML) کے علاج میں امید کی کرن بن سکتا ہے۔ تحقیق، جو برٹش جرنل آف فارماکولوجی میں شائع ہوئی ہے، کے مطابق فورسکولن نہ صرف لیوکیمیا کے خلیوں کی بڑھوتری کو براہِ راست سست کرتا ہے بلکہ موجودہ کیموتھراپی کے اثرات کو بھی مزید مؤثر بناتا ہے۔ ماہرین نے دریافت کیا کہ یہ مرکب دماغی انزائم Protein Phosphatase 2A (PP2A) کو فعال کرتا ہے اور ان جینز (MYC, HOXA9, HOXA10) کی سرگرمی کو کم کرتا ہے جو کینسر کی افزائش میں کردار ادا کرتے ہیں۔ سائنسدانوں کا کہنا ہے کہ یہ نتائج مریضوں کے علاج کے امکانات کو بہتر بنانے میں مددگار ثابت ہوسکتے ہیں، تاہم مزید تحقیق اور کلینیکل ٹرائلز کی ضرورت ہے تاکہ انسانوں پر اس کے اثرات کو یقینی بنایا جا سکے۔