سندھ میں خواتین کیلئے مزید الیکٹرک بسز لانے، جامعات اور نئے میڈیکل کالجز کے منظوری

کراچی: وزیرِاعلیٰ سندھ سید مراد علی شاہ نے ترقیاتی پورٹ فولیو 26-2025ء کے جائزہ اجلاس میں کہا کہ سندھ حکومت کا 1.018 ٹریلین روپے کا ریکارڈ ترقیاتی حجم ہے، کراچی میں صاف پانی اور نکاسی آب نظام کے لئے 85.5 ارب روپے مختص کئے ہیں، کے فور، حب ، اسٹارم واٹر ڈرین اور KWSSIP-II کیلئے فنڈز جاری کیئے ہیں تاکہ کام بروقت ہو۔ اجلاس میں وزیر اعلیٰ سندھ نے سیلاب سےمتاثرہ اسکولوں اور اسپتالوں کی بحالی کے کام کو مزید تیز کرنے اور زرعی ویلیو چین مضبوط بنانے کیلئے محکمہ زراعت کو ضروری اقدامات کرنے کی ہدایت کردی۔ وزیراعلیٰ سندھ نے پینے کے پانی اور جدید سیوریج نظام کی توسیع کے لیئے شہری اور دیہی علاقوں کی اسکیموں کا بھی جائزہ لیا، جبکہ اجلاس میں بریفنگ کے دوران بتایا گیا کہ شہروں اور دیہی علاقوں میں سڑکوں اور کنیکٹیویٹی میں بہتری کیلئے جاری ہے۔ اجلاس میں بتایا گیا کہ کورنگی کاز وے برج، انڈر پاسز اور لیاری ٹرانسفارمیشن منصوبے تکمیل کے قریب ہیں، 970 کلومیٹر سڑکوں کی بحالی کا کام جاری ہے ، وزیر اعلیٰ سندھ نے بی آر ٹی ریڈ لائن اور یلو لائن منصوبوں پر کام تیز کرنے کی ہدایت کی، جبکہ خواتین کیلئے الیکٹرک بائیکس کی تعداد بڑھانے کی منظوری بھی دے دی۔۔ علاوہ ازیں وزیر اعلیٰ سندے نے وومن یونیورسٹی سکھر اور نئے میڈیکل کالجز کے قیام کی منظوری دیتے ہوئے فنڈز جاری کرنے کی ہدایت دے دی۔