آئی ایم ایف نے پاکستان کو 1ارب 30کروڑ کی قسط جاری کردی
عالمی مالیاتی فنڈز آئی ایم ایف نے پاکستان کے لیے 1 ارب 30 کروڑ ڈالر کی اگلی قسط جاری کر دی ہے۔
پاکستان کے وزارت خزانہ کے ذرائع کے مطابق اسٹیٹ بینک نے بھی قرض موصول ہونے کی تصدیق کی ہے، جس کے تحت پاکستان کو تقریباً 1 ارب ڈالر قرض کی اصل قسط اور آر ایس ایف پروگرام کے پہلے جائزے کے تحت مزید 20 کروڑ ڈالر موصول ہوئے ہیں۔
ذرائع کے مطابق اس کے ساتھ ہی دونوں قرض پروگرامز کے تحت پاکستان کو مجموعی طور پر 3.3 ارب ڈالر کی رقم مل چکی ہے۔
حالیہ شدید سیلاب کے باوجود حکومت کی مضبوط معاشی کارکردگی نے مالی و بیرونی شعبے میں استحکام برقرار رکھا ہے۔ آئی ایم ایف نے اپنے پالیسی ترجیحات میں میکرو اکنامک استحکام، پبلک فنانس اصلاحات اور مسابقت بڑھانے پر زور دیا ہے۔
آئی ایم ایف کے ایگزیکٹو بورڈ کے واشنگٹن اجلاس میں پاکستان کے لیے سات ارب ڈالر کے توسیعی فنڈ سہولت پروگرام کے تحت تیسری قسط کی منظوری دی گئی، اور ائی ایف ایف پروگرام کے دو اقساط بھی پہلے ہی جاری ہو چکی ہیں، آئی ایم ایف نے دوسرے اقتصادی جائزے کی بھی منظوری دی ہوئی ہے۔