نیشنل گیمز میں ڈیوٹی نہ کرنے پر KMCکے 33 افسران و ملازمین معطل
کراچی: نیشنل گیمز کی اختتامی تقریب میں ڈیوٹی نہ کرنا کے ایم سی ملازمین کو مہنگا پڑ گیا۔ کراچی میٹروپولیٹن کارپوریشن کے 33 افسران و ملازمین کو معطل کردیا گیا۔
کے ایم سی کی ھیومن ریسورس انتطامیہ نے افسران و ملازمین کی معطلی کا لیٹری جاری کردیا۔ ترجمان کے مطابق کے ایم سی کے افسران و ملازمین کو نیشنل گیمز کے اختتامی پروگرام میں ڈیوٹی انجام دینے کی ہدایت کی گئی تھی، لیکن معطل ہونے والے افسران اور ملازمین نے ہدایات کے باوجود پروگرام میں ڈیوٹی انجام نہیں دی۔
معطل ہونے والے ملازمین میں کے ایم سی کے ڈرائیور سے لے لکر ڈپٹی ڈائریکٹر اور ایڈیشنل ڈائریکٹر کے دفتر کا عملہ شامل ہے۔ کے ایم سی کے 4 کلرک، 5 سپر وائیزرس، 5 فیلڈ اسٹاف اور دیگر ملازمین کو محکمہ ایچ آر میں رپورٹ کرنے کے احکامات جاری کردیے گئے۔
خیال رہے کچھ روز قبل کراچی میں نیشنل گیمز کی افتتاحی تقریب کا انعقاد کیا گیا تھا، جس میں فیلڈ مارشل عاصم منیر، چیئرمین پیپلز پارٹی بلاول بھٹو زرداری اور وزیر اعلیٰ سندھ سمیت دیگر کئی شخصیات نے شرکت کی تھی۔