CIAنے 60 سال قبل ہمالیہ کے پہاڑوں پر کیا خفیہ کارروائی کی تھی؟

امریکی خفیہ ایجنسی کی جانب سے تقریباً 60 سال بعد کولڈ وار کے دور میں کی گئی ایک کارروائی منظرِ عام پر آگئی۔

امریکی اخبار کے مطابق سی آئی اے نے 1965 میں بھارتی کوہ پیماؤں کے ساتھ مل کر نندا دیوی کی چوٹی پر چین کے ایٹمی پروگرام کی نگرانی کے لیے پلوٹونیم سے چلنے والا جاسوسی آلہ نصب کرنے کی کوشش کی تھی۔

رپورٹ کے مطابق پہاڑ کی چوٹی پر برفانی طوفان کے باعث سی آئی اے کو مشن ادھورا چھوڑنا پڑا اور اگلے سال جب ٹیم واپس پہنچی تو آلہ برفانی تودے میں دفن ہو چکا تھا اور جو آج تک نہ مل سکا۔

امریکی اخبار  کے مطابق 1978 میں سی آئی اے کی خفیہ طور پر بھارتی سرزمین پر کارروائی کا انکشاف بھارت میں شدید عوامی غم و غصے کا باعث بنا تھا۔

رپورٹ کے مطابق آج بھی بھارتی سیاستدان اور ماحولیاتی کارکن مطالبہ کر رہے ہیں کہ نندا دیوی کے نیچے دفن ایٹمی ڈیوائس کو تلاش کرکے محفوظ طریقے سے ہٹایا جائے جو کہ ماحولیات اور سکیورٹی کے لیے خطرے کاباعث ہے۔