روس نے یوکرین پر سیکڑوں ڈرون اور میزائل حملے، توانائی اور ٹرانسپورٹ نظام درہم برہم

یوکرین میں روس کی جانب سے بڑے پیمانے پر ڈرون اور میزائل حملوں نے ملک کے توانائی اور ٹرانسپورٹ کے نظام کو شدید نقصان پہنچایا ہے، جس کے نتیجے میں کئی علاقوں میں بجلی کی بندش اور ایٹمی بجلی گھروں کی پیداوار میں کمی واقع ہوئی ہے۔

انٹرنیشنل ایٹمی توانائی ایجنسی IAEA کے مطابق آٹھ یوکرینی علاقوں میں پاور اسٹیشنز متاثر ہوئے ہیں، جبکہ شدید موسم اور جنگ کے چوتھے سال میں داخل ہونے کے ساتھ روس نے توانائی کے بنیادی ڈھانچے پر حملے مزید تیز کر دیے ہیں۔

یوکرینی فوج نے بتایا کہ صرف دو دن میں روس نے 653 ڈرون اور 51 میزائل داغے، جن میں سے 585 ڈرون اور 30 میزائل مار گرائے گئے۔

حکام کے مطابق چیرنیہیف، زاپوریزژیا، لیو اور دنیپروپیترووسک سمیت متعدد علاقوں میں بجلی اور شمسی توانائی پیدا کرنے والے پلانٹس کو نشانہ بنایا گیا۔ جنوبی شہر اوڈیسا میں تقریباً 9,500 صارفین حرارت اور 34,000 افراد پانی کی فراہمی سے محروم ہو گئے ہیں، جس سے شہری زندگی شدید متاثر ہوئی ہے۔

حملے یوکرین کے شہری انفراسٹرکچر اور توانائی کے نظام پر مسلسل دباؤ ڈال رہے ہیں اور عالمی برادری کے لیے انسانی اور سکیورٹی خدشات کو بڑھا رہے ہیں۔