چار سدہ میں شادی تقریب کے دوران مکان کی چھت گرگئی، 5بچوں سمیت 6افراد جاں بحق

خیبر پختونخوا کے ضلع چارسدہ کی تحصیل شبقدر میں ایک افسوسناک واقعہ پیش آیا، جہاں بوسیدہ مکان کی چھت گرنے سے 5 بچوں سمیت 6 افراد جان کی بازی ہار گئے، جبکہ 5 خواتین زخمی ہو گئیں۔

پولیس کے مطابق یہ حادثہ شبقدر کے علاقے خیرآباد میں پیش آیا، واقعے کے وقت گھر میں شادی کی تقریب جاری تھی کہ اچانک مکان کی چھت گر گئی۔ جاں بحق افراد میں ایک خاتون اور اس کی تین بیٹیاں بھی شامل ہیں، جبکہ مجموعی طور پر مرنے والوں میں 5 بچے شامل ہیں۔

پولیس کا کہنا ہے کہ زخمی خواتین کو فوری طور پر قریبی اسپتال منتقل کر دیا گیا ہے۔ جاں بحق اور زخمی ہونے والے افراد شادی کی تقریب میں شرکت کے لیے پشاور اور خیبر سے شبقدر آئے تھے۔