گوجرانوالہ میں شادی کی تقریب کے دوران ڈالر اور درہم نچھاور،باراتی بھی نوٹ لوٹتے رہے

گوجرانوالہ میں ایک شادی کی تقریب اس وقت دلچسپ مناظر پیش کرنے لگی جب چھچھر والی سے آنے والی بارات میں دولہے کے اٹلی پلٹ دوستوں اور کزنوں نے نوٹوں کی برسات کر دی۔ جی ٹی روڈ پر واقع میرج ہال میں ملکی اور غیرملکی کرنسی نچھاور کی گئی۔

تقریب میں ڈالر اور درہم دیکھ کر مہمان باراتی بھی نوٹ لوٹنے میں مصروف ہو گئے۔ شادی کی تقریب میں نوٹوں کی بارش نے ماحول کو مزید رنگین بنا دیا اور باراتی یادگار لمحات اپنے کیمروں میں محفوظ کرتے رہے۔