سڈنی میں مسلمانوں کے قبرستان کی بے حرمتی، قبروں پر سؤر کے اعضاء رکھ دیے گئے

آسٹریلیا کے بونڈی ساحل پر پیش آنے والے دہشتگردی کے واقعے کے بعد سڈنی میں مسلمانوں کے قبرستان کی بے حرمتی کی گئی ہے۔

ایک  غیر ملکی خبر رساں ادارے کے مطابق جنوب مغربی سڈنی کے مضافاتی علاقے ناریلان میں واقع مسلمانوں کے قبرستان پر حملہ کیا گیا اور قبروں پر سؤر کے سر اور دیگر اعضا رکھ دیے گئے۔

اس ضمن میں سڈنی پولیس کا کہنا ہے کہ قبرستان کے دروازے پر جانوروں کی باقیات برآمد ہوئی ہیں، قبروں پر رکھے گئے سؤر کے سر ہٹا دیئے گئے ہیں اور تحقیقات شروع کر دی گئی ہے۔

اس نفرت انگیز واقعے کے بعد مسلم کمیونٹی میں خوف و حراس پھیل گیا، جبکہ سڈنی کے مسلم رہنماؤں نے اعلان کیا ہے کہ حملہ آوروں کی میتیں لینے اور ان کے جنازے کی ادائیگی سے انکار کیا جائے گا، تاکہ اس واقعے کے خلاف سخت موقف دکھایا جا سکے۔