دبئی میں ملازمت کا جھانسہ دیکر لڑکیوں سے جسم فروشی کروانیوالے گروہ کا اہم کارندہ گرفتار

 کراچی ائیرپورٹ پر ایف آئی اے امیگریشن کی جانب سے کارروائی کی گئی اس دوران  دبئی میں ملازمت کے نام پر لڑکیوں سے جسم فروشی کا مکروہ دھندہ کرنے والے گروہ کے اہم کارندے کو گرفتار کرلیا۔

ایف آئی اے ذرائع کے مطابق گروہ کے بارے میں دبئی کے وزٹ ویزے پر ہوٹل میں ملازمت کے لئے جانے والی سائرہ نامی لڑکی نے آگاہ کیا، جس کی نشاندہی پر انسانی اسمگلر شاہ زیب کو ایف آئی اے نے نے گرفتار کرلیا۔

ملزم شاہ زیب نے ندیم نامی انسانی اسمگلر سے ملنے والی رقم سے لڑکی کے وزٹ ویزے، ٹکٹ اور شو منی کا انتظام کیا۔

ایف آئی اے ذرائع کے مطابق شاہ زیب نے چار لاکھ 20 ہزار روپے میں سے 40 ہزار روپے ایئرپورٹ پر کلئیرنس کے لئے اسلم نامی ایجنٹ کو دیے، سائرہ اور شاہ زیب کے واٹس ایپ نمبر سے جسم فروشی کرانے میں ملوث گروہ کے دیگر ارکان سے بات چیت کے شواہد بھی ملے ہیں۔

ایف آئی اے نے ملزم کی گرفتاری کے بعد سائرہ کو اینٹی ہیومن ٹریفکنگ سرکل منتقل کردیا۔