مقابلے اصلی یا جعلی،فیصل آباد میں سی سی ڈی کا 24 گھنٹے میں 8 ملزمان کو ہلاک کرنے کا دعویٰ

فیصل آباد ڈویژن میں کرائم کنٹرول ڈیپارٹمنٹ نے گزشتہ 24 گھنٹوں کے دوران منشیات فروشوں کے خلاف کارروائیوں میں اہم کامیابی حاصل کی ہے۔ ترجمان سی سی ڈی کے مطابق مختلف اضلاع میں ہونے والے مقابلوں کے دوران 8 ملزمان ہلاک ہوئے۔

• چار ملزمان فیصل آباد میں مارے گئے

• دو ملزمان چینوٹ میں ہلاک ہوئے

• ایک جھنگ اور ایک ٹوبہ ٹیک سنگھ میں مارا گیا

ترجمان کے مطابق ملزمان اپنے ہی ساتھیوں کی فائرنگ سے ہلاک ہوئے جبکہ فرار ہونے والے دیگر ملزمان کی تلاش جاری ہے۔

کارروائی کے دوران سی سی ڈی کے دو کانسٹیبل زخمی بھی ہوئے۔ ترجمان نے مزید بتایا کہ فائرنگ کے نتیجے میں ایک سب انسپکٹر اور دو کانسٹیبلز کی بلٹ پروف جیکٹس متاثر ہوئیں جبکہ دو گاڑیاں بھی گولیوں کی زد میں آئیں۔

یہ آپریشن منشیات فروشوں کے خلاف جاری کریک ڈاؤن کا حصہ ہے جس کا مقصد علاقے کو جرائم سے پاک کرنا ہے۔