پاکستان نے انڈر 19 ورلڈ کپ کیلئے اسکواڈ کا اعلان کردیا
لاہور: پاکستان کرکٹ بورڈ نے تین ملکی سیریز اور آئی سی سی انڈر 19 ورلڈ کپ کے لیے پاکستان انڈر 19 ٹیم کا اعلان کر دیا، ٹیم کی قیادت فرحان یوسف کریں گے، جبکہ نائب کپتان عثمان خان ہوں گے اور اسکواڈ میں صرف ایک تبدیلی کرکے محمد حذیفہ کی جگہ عمر زیب کو شامل کیا گیا ہے۔
پاکستان انڈر 19 اسکواڈ میں کپتان فرحان یوسف، نائب کپتان عثمان خان جبکہ دیگر کھلاڑیوں میں عبدالسبحان، احمد حسین، علی حسن بلوچ، علی رضا، دانیال علی خان، عمر زیب،حمزہ ظہور، حذیفہ احسن، مومن قمر، محمد صیّام، محمد شایان، نقاب شفیق، سمیر منہاس شامل ہیں۔
زمبابوی میں 25 دسمبر 2025 سے 6 جنوری 2026 تک کھیلی جائے جانے والی تین ملکی سیریز میں پاکستان کے علاوہ افغانستان اور میزبان زمبابوے بھی حصہ لیں گے۔ پاکستان ٹیم اس سیریز میں کم از کم چار میچز کھیلنے کی متوقع ہے۔
بعد ازاں آئی سی سی انڈر 19 ورلڈ کپ 15 جنوری سے 6 فروری 2026 تک نمیبیا اور زمبابوے میں کھیلا جائے گا۔ دونوں ٹورنامنٹس 50 اوورز فارمیٹ میں منعقد ہوں گے۔