پاکستان نے محض 20ماہ میں 12ہزار ارب ڈالرز سے زائد قرضہ لے لیا

اسلام آباد: پاکستانی حکومت کی جانب سے قرض لینے کا سلسلہ جاری ہے۔

پاکستان کی موجودہ حکومت کے ابتدائی 20 ماہ کے دوران قرضوں میں 12 ہزار 169 ارب روپے کا اضافہ ریکارڈ کیا گیا اور یہ اضافہ مارچ 2024 سے لیکراکتوبر 2025 کےدوران ہوا۔

اسٹیٹ بینک آف پاکستان کی دستاویزات کے اعداد شمار کے مطابق مارچ 2024 سے اکتوبر 2025 کے 20 مہینوں کے دوران وفاقی حکومت کے مقامی قرضے میں11 ہزار 300 ارب روپے اور وفاقی حکومت کے بیرونی قرضے  میں 869 ارب روپےکااضافہ ہوا جس کے بعد وفاقی حکومت کاقرضہ اکتوبر 2025 تک بڑھ کر 76 ہزار979ارب روپےہوا جبکہ فروری2024 تک وفاقی حکومت کے قرضے 64 ہزار810 ارب روپے تھے۔

اسٹیٹ بینک آف پاکستان کی دستاویز کے مطابق فروری2024 تک مرکزی حکومت کا مقامی قرضہ42 ہزار675 ارب روپے تھا جو اکتوبر 2025  تک بڑھ کر53 ہزار 975 ارب روپے ہوا۔

دستاویزات کے مطابق فروری2024 تک وفاقی حکومت کا بیرونی قرضہ 22 ہزار 134ارب روپے تھااور اکتوبر2025 تک مرکزی حکومت کا بیرونی قرضہ23 ہزار ارب روپے سے تجاوز کر چکا ہے۔