📰 بھارت کو ایک بار پھر منہ کی کھانی پڑ گئی، آکسفورڈ یونین مباحثے سے دستبردار

لندن: پاکستان نے عالمی سطح پر ایک بڑی سفارتی فتح حاصل کرلی ہے۔ آکسفورڈ یونین کے تصدیق شدہ مباحثے میں بھارتی وفد عین وقت پر دستبردار ہوگیا، جس کے نتیجے میں پاکستان کو بلا مقابلہ کامیابی ملی۔ پاکستان کی نمائندگی جنرل (ر) زبیر حیات، سابق وزیر خارجہ حنا ربانی کھر اور ڈاکٹر محمد فیصل نے کی۔ ہائی کمیشن کا کہنا ہے کہ بھارت نے پاکستان کے خلاف بیانیے پر جواب دینے کے بجائے راہِ فرار اختیار کی۔ بھارتی رہنما ٹی وی پر شور مچاتے ہیں مگر عالمی فورمز پر منطقی سوالات کا سامنا کرنے سے گھبرا جاتے ہیں۔ آکسفورڈ میں بھارتی طلباء کی اکثریت کے باوجود وفد نے ووٹ دینے سے بھی انکار کیا۔ ہائی کمیشن کے مطابق بھارتی نام نہاد سیکیورٹی پالیسی ممکنہ سوالات کا وزن نہ اٹھا سکی، اور وفد نے شرمندگی سے بچنے کے لیے مباحثہ سبوتاژ کردیا۔