بنگلادیشی مقتول انقلابی رہنما عثمان ہادی کو بھارتی نمبروں سے دہمکیاں ملنے کا انکشاف

بنگلہ دیش کے دارالحکومت ڈھاکا میں سیاسی کارکن عثمان ہادی کے قتل کے بعد شدید کشیدگی پیدا ہو گئی ہے۔

عثمان ہادی ڈھاکا میں ایک قاتلانہ حملے میں شدید زخمی ہوئے تھے اور زخموں کی تاب نہ لاتے ہوئے زندگی کی جنگ ہارگئے ۔

ذرائع کے مطابق عثمان ہادی کے اہلِ خانہ اور قریبی ساتھیوں کا دعویٰ ہے کہ انہیں قتل سے پہلے بھارت سے تعلق رکھنے والے فون نمبرز سے دھمکیاں موصول ہو رہی تھیں۔

عثمان کے قتل کے بعد ڈھاکا کے مختلف علاقوں میں مظاہرین سڑکوں پر نکل آئے اور احتجاج کے دوران مشتعل افراد نے سابق بنگلہ دیشی رہنما شیخ مجیب الرحمٰن کی رہائش گاہ کو آگ لگا دی۔ پولیس اور سکیورٹی فورسز نے حالات پر قابو پانے کی کوشش کی، تاہم کئی مقامات پر کشیدگی برقرار رہی۔