ایئرپورٹ کی حدود میں 37 منزلہ عمارت بنانے کی اجازت غیرقانونی ہے: SBCAکیخلاف تحقیقات کا حکم
آڈیٹر جنرل آف پاکستان کی جانب سے سال 2024,25 کی رپورٹ میں ہوشربا انکشاف کیا گیا ہے کہ سندھ بلڈنگ کنٹرول نے ایئر پورٹ کی حدود میں 37 منزلہ عمارت کا این او سی جاری کیا، ایئر پورٹ کی حدود میں کثیر المنزلہ عمارت کی اجازت غیر قانونی ہے۔
رپورٹ کے مطابق سندھ بلڈنگ کنٹرول اتھارٹی 58 غیر قانونی ہاؤسنگ اسکیموں کو این او سی جاری کردیا، رپورٹ میں کہا گیا کہ ایئر پورٹ حدود میں سول ایوی ایشن اتھارٹی اور ایئر فورس سے این او سی لینا لازم ہے، این او سی لیئے بغیر سندھ بلڈنگ کنٹرول اتھارٹی نے 37 منزلہ عمارت کو این او سی جاری کیا۔
رپورٹ کے مطابق سندھ بلڈنگ کنٹرول اتھارٹی کی بد انتظامی اور خراب کارکردگی کا واضح ثبوت ہے۔
آڈیٹر جنرل آف پاکستان کی رپورٹ میں مزید کہا گیا کہ شہر کے مختلف علاقوں میں 58 ہاؤسنگ کے خلاف کاروائی نہیں کی گئی، ہاؤسنگ اسکیموں کو سندھ بلڈنگ کنٹرول اتھارٹی نے این او سی جاری نہیں کیا، غیر قانونی عمارتوں کے خلاف سندھ بلڈنگ کنٹرول اتھارٹی نے کاروائی نہیں کی۔
رپورٹ میں کہا گیا کہ سندھ بلڈنگ کنٹرول اتھارٹی کی بد انتظامی نومبر 2024 میں رپورٹ ہوئی، جنوری 2025 میں ادارے کو متعدد بار لکھا گیا۔ سندھ بلڈنگ کنٹرول اتھارٹی نے آڈیٹر جنرل کو تفصیلات فراہم نہیں کی۔
آڈیٹر جنرل کی رپورٹ سندھ اسمبلی میں پیش کی گئی جس کے بعد پبلک اکاؤنٹس کمیٹی کو معاملے کی تحقیقات کا حکم دیا گیا۔