اسلام آباد میں بلدیاتی انتخابات 15فروری کو ہوں گے، شیڈول جاری

اسلام آباد :الیکشن کمیشن آف پاکستان نے اسلام آباد میں بلدیاتی انتخابات کا شیڈول جاری کردیا ہے۔ اعلان کے مطابق وفاقی دارالحکومت میں بلدیاتی انتخابات 15 فروری 2026 کو ہوں گے، جبکہ پولنگ صبح 8 بجے سے شام 4 بجے تک جاری رہے گی۔

شیڈول کے مطابق ریٹرننگ آفیسرز 19 دسمبر کو نامزدگیوں سے متعلق پبلک نوٹس جاری کریں گے۔ امیدوار اپنے کاغذات نامزدگی 22 سے 27 دسمبر تک جمع کرا سکیں گے۔

کاغذات کی جانچ پڑتال 30 دسمبر سے 3 جنوری تک ہوگی جبکہ اپیلیں 5 سے 8 جنوری تک جمع ہوں گی۔ انتخابی ٹربیونلز ان اپیلوں پر فیصلے 9 سے 13 جنوری کے درمیان کریں گے۔

کاغذات نامزدگی واپس لینے کی آخری تاریخ 15 جنوری 2026 مقرر کی گئی ہے اور امیدواروں کی حتمی فہرست 16 جنوری کو جاری ہوگی، اسی روز انتخابی نشانات بھی الاٹ کیے جائیں گے۔

بلدیاتی انتخابات کی پولنگ 15 فروری کو مکمل ہونے کے بعد نتائج مرتب کرنے کا عمل 16 سے 19 فروری تک جاری رہے گا۔