معروف ہالی ووڈ ہدایتکار اور بیوی کا مبینہ قتل، بیٹا گرفتار

ہالی ووڈ کے ڈائریکٹر و اداکار راب رائنر اور انکی بیوی کے قتل کے الزام میں بیٹے کو گرفتار کرلیا گیا۔ بیٹے نک رینر کی ضمانت 4 ملین ڈالر کے عوض طے ہوئی ہے۔ 

غیر ملکی میڈیا کے رپورٹس کے مطابق 2 روز قبل ہدایتکار روب رائنر اور بیوی کی لاشیں گھر سے ملی تھیں، بعد ازاں پولیس نے تحقیقات کے بعد مقتولین کے بیٹے نک رائنرکو ان کی موت کا ذمہ دار قرار دیا۔

دوسری جانب امریکی صدرٹرمپ نے روب رائنر کے قتل پرطنز کرکے مبصرین کو حیران کرتے ہوئے کہا کہ روب رائنر کبھی نہایت باصلاحیت فلم ڈائریکٹر اور کامیڈی اسٹار ہوا کرتے تھے مگر روب رائنر کو ٹرمپ ڈیرینجمنٹ سنڈروم لاحق تھا جو اس کی موت کاسبب بنا۔

ریپبلکن کانگریس مین تھامس میسی نے ٹرمپ کے بیان کو نامناسب و بےادبانہ قراردیا جب کہ کیلیفورنیا کے گورنرگیون نیوسم نے کہا کہ ٹرمپ ایک بیمارآدمی ہے۔

ہالی ووڈ کے ڈائریکٹر و اداکار روب رینر اور ان کی بیوی مشیل کو گھر میں چھری مار کر قتل کیا گیا تھا۔

واضح رہے کہ ہالی ووڈ کے مشہور ہدایتکار اور اداکار روب رائنر اور ان کی اہلیہ مشیل رائنر لاس اینجلس میں اپنے گھر میں مردہ حالت میں پائے گئے۔