کے پی حکومت کا شہدا کے ورثا کی امداد رقم میں 50لاکھ روپے کا اضافہ

پشاور میں وزیراعلیٰ خیبر پختونخوا سہیل آفریدی نے پاک بھارت جنگ کے شہدا کے ورثا سے ملاقات کی اور انہیں مزید مالی امداد دینے کا اعلان کیا۔

وزیراعلیٰ نے کہا کہ شہدا کے ورثا کے لیے دی جانے والی امدادی رقم 50 لاکھ روپے سے بڑھا کر ایک کروڑ روپے اور  زخمی اہلکاروں کے لیے امداد 10 لاکھ سے بڑھا کر 25 لاکھ روپے کی گئی ہے۔

سہیل آفریدی نے کہا کہ ہماری حکومت ہمیشہ شہدا کے اہل خانہ کے شانہ بشانہ کھڑی ہے اور یہ قربانیاں ملک و قوم کی سلامتی کی ضمانت ہیں۔

انہوں نے مزید کہا کہ اپنی جانوں کے نذرانے دینے والے م شہداء ہمارا فخر ہیں اور حکومت ان کے ورثا کا بھرپور خیال رکھے گی۔