کراچی میں دن کے اوقات میں ڈمپروں اور ہیوی ٹریفک کے داخلے پر پابندی

کراچی میں ڈمپروں اور ہیوی ٹریفک کے داخلے پر پابندی لگا دی گئی۔  پابندی کا نوٹیفکیشن بھی جاری کردیا گیا۔

نوٹیفکیشن کے مطابق ہیوی ٹریفک پر صبح 6 سے رات 10بجے شہر میں داخلے پر پابندی ہو گی۔ دن میں ہیوی ٹریفک کے داخلے پر پابندی 2 ماہ کے لیے لگائی گئی ہے۔

نوٹیفکیشن کے مطابق ہیوی ٹریفک سپرہائی وے سے نیوکراچی انڈسٹریل ایریا  جا سکے گی۔ اسی طرح ہیوی ٹریفک کو نیشنل ہائی وے سے گودام چورنگی، یونس چورنگی، داؤد چورنگی سے جام صادق برج چلنے کی اجازت ہوگی۔

ناردن بائی باس سے پراچہ چوک، سیمنز  چورنگی، ناردن بائی باس سے گلبائی، ماڑی پور سے کراچی پورٹ، لنک روڈ کاٹھور سے سسی ٹول پلازہ ہیوی ٹریفک کو آمدورفت کی اجازت ہوگی۔