نیشنل
پیر پاگارا ثانی کے بھائی کی بہو پیپلز پارٹی میں شامل
EditorStaff Reporter
Nov 29, 2025

پیر صاحب پاگارہ شاہ مرادں شاہ ثانی مرحوم کے بھائی نادر شاہ راشدی کی بہو منیبہ شاھ راشدی پیپلز پارٹی میں شامل ہوگئی
کراچی۔ حروں کے روحانی پیشوا پیر صاحب پگاڑہ شاہ مرادں شاہ ثانی مرحوم کے بھائی نادر شاہ راشدی کی بہو منیبہ شاھ راشدی پیپلز پارٹی میں شامل ہوگئی. منیبہ شاہ راشدی نے پیپلز پارٹی میں شمولیت کا اعلان ہفتے کے روز صوبائی صدر نثار کھوڑو کی موجودگی میں ان کی رہائشگاہ پر کیا۔ منیبہ شاہ راشدی کی پیپلز پارٹی میں شمولیت کے موقعے پر پیپلز پارٹی خواتین ونگ کراچی ڈویزن کی جنرل سیکریٹری و صوبائی وزیر شاھینہ شیر علی بھی موجود تھی۔پیپلز پارٹی سندھ کے صدر نثار کھوڑو نے کہا ہے کے پیر صاحب پگاڑہ اور ان کے خاندان کے لئے عزت ہے اور ان کے خاندان سے وابسطہ منیبہ شاہ راشدی کو پارٹی میں شامل ہونے پر ویلکم کرتے ہیں۔ پیپلز پارٹی میں شمولیت کا اعلان کرتے ہوئے منیبہ شاہ راشدی نے کہا کے صدر آصف علی زرداری، چیئرمین بلاول بھٹو زردرای ، ادی فریال تالپور کی قیادت پر اعتماد کرکے صوبائی صدر نثار کھوڑو کی موجودگی میں پیپلز پارٹی میں شامل ہو رہی ہیں۔انہوں نے کہا کے پیپلز پارٹی کو مضبوط کرنے کے لئے اپنا بھرپور کردار ادا کرونگی۔صوبائی وزیر و پیپلز پارٹی خواتین ونگ کراچی ڈویزن کی جنرل سیکریٹری شاھینہ شیر علی نے کہا کے پیپلز پارٹی ہی واحد جماعت ہے جس نے خواتین کو بااختیار بنایا ہے اور ہر فورم پر نمائندگی دی ہے۔ واضع رہے کے منیبہ شاہ راشدی حروں کے روحانی پیشوا پیر صاحب پگاڑہ شاہ مرداں شاہ ثانی مرحوم کے بھائی نادر شاہ راشدی کی بہو اور قائم شاہ راشدی کی بیوی ہیں۔
ریمارک نیوز کی اپ ڈیٹس واٹس ایپ پر حاصل کریںچینل فالو کرنے کے لیے کلک کریں
