امریکی ریاست کیلیفورنیا میں فائرنگ، 4 افراد ہلاک

ریاست کیلیفورنیا کے شہر اسٹاکٹن میں ہفتے کی شام ایک فیملی تقریب پرفائرنگ کے خوفناک واقعے نے خوشیوں کا لمحہ سانحے میں بدل دیا۔شیرف آفس کے مطابق تقریب کے دوران کل 14 افراد کو گولیاں ماری گئیں،جن میں سے چار ہلاک اور دس زخمی ہوئے۔

واقعہ شہر کے Lucile Avenue کے 1900 بلاک میں ایک بینکوئٹ ہال میں پیش آیا، جہاں بچے اور بالغ سب موجود تھے۔ ابتدائی شواہد کے مطابق یہ واقعہ ایک ممکنہ ٹارگیٹڈ لگتا ہے۔ زخمیوں میں سے متعدد کی حالت نازک بتائی گئی ہے۔

شیرف آفس نے عوام سے اپیل کی ہے کہ جو بھی واقعے کے دوران فوٹیج یا معلومات رکھتے ہیں، فوراً فراہم کریں تاکہ مجرموں کو جلد گرفتار کیا جا سکے۔ اب تک کسی کی گرفتاری عمل میں نہیں آئی۔

اسٹاکٹن کے نائب میئر جیسن لی نے واقعے کی شدید مذمت کرتے ہوئے متاثرہ خاندانوں سے ہمدردی کا اظہار کیا اور کہا کہ شہر کی انتظامیہ انصاف کے لیے ہر ممکن قدم اٹھائے گی۔